Tre persona përfundojnë në spital nga rrahja në Podujevë

09:25 | 18 Mars 2020
Arbresh.info

Një rrahje masive ka ndodhur dje në qytetin e Podujevës.

Policia përmes raportit ka treguar se të përfshirë kanë qenë katër persona, teksa deri tek rrahja ka ardhur pas një mosmarrëveshje mes të dyshuarve.

Si pasojë, tre nga ta kanë pësuar lëndime trupore dhe kanë pranuar trajtim mjekësor.

Nga njëri prej të dyshuarve është konfiskuar një pistoletë ndërsa me vendim të prokurorit të njëjtit janë intervistuar dhe liruar në procedurë të rregullt.

Ky është njoftimi i plotë i  policisë së Kosovës;

“PËRDORIM I ARMËS APO MJETIT TË RREZIKSHËM

Podujevë 17.03.2020-16:05.Është raportuar se katër të dyshuar meshkuj kosovar pas një mosmarrëveshje janë rrahur mes veti dhe si pasoj, tre prej tyre kanë pësuar lëndime trupore dhe kanë pranuar trajtim mjekësor. Nga njëri prej të dyshuarveështë konfiskuar një pistoletë ndërsa me vendim të prokurorit të njëjtit janë intervistuar dhe liruar në procedurë të rregullt”./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm